REINVENTAR A PAISAXE

Mostra do Encontro de Novos Creadores

Co-living / Inmersión / Patrimonio

Este programa de co-living reúne a seis artistas de disciplinas como o deseño gráfico, danza contemporánea, fotografía, artes plásticas e moda para pensar e crear a paisaxe de xeito conxunto. Baixo a inspiración de Pincelo e Belesar, os creadores conviven nunha inmersión creativa que explora a relación entre a arte e o territorio.

A exploración inclúe a colaboración con “Máis que Románico” para o estudo de xoias como Pesqueiras, Santo Estebo de Riba de Sil e San Xoán da Coba. O resultado desta convivencia materialízase nunha exposición multidisciplinar e nunha reportaxe de seguimento que documenta as experiencias, vídeos e fotografías do traballo realizado durante a estadía.