A música da inmensa Mercedes Peón coa danza contemporánea de Chey Jurado, sen esquecer os produtos da comarca, nun Cataideas, para gozar do viño e da cultura.

O arte flamenco de Alfredo Tejada, nunha velada de cante e baile nun paraíso natural, que será inesquecíbel.

Un día cheo de cultura do viño, de coñecemento do territorio marabilloso da Ribeira Sacra e de música galega, da man de Davide Salvado, Caamaño & Ameixeiras e a Fábrica de Espejos.

Un festival que se atreve a mesturar un espectáculo inclusivo con música electrónica e flamenco renovador? O Sacra Festival axenda unha xornada coa Compañía 5S, Surma e Niño de Elche, incluíndo no programa o Cata Istorias, un xeito outro de achegarse ao viño e os produtos locais a cargo de Roberto Regal.

Para rematar o festival, un día de lecer en familia, con actividades para as personas máis pequenas da casa e unha romaría familiar para relaxarse na beira do Río Miño, rematando co espectáculo Habitados, a cargo de Experimentadanza.